Hakki CIMEN
dęwa xidir’de
bir hęgai u baxçę xidir’i estę
je çimunę ho qorikenu
rameno uwedano çineno
payiz ke ambari benę pir
xidir benu sa
dewa xidir’de
kergę xidir’i estę
haku kenę
gak gak vanę selenenę
leyru vezenę
diki vengdanę
vanę welatę ma rindeko
xidir benu sa
dewa xidir’de
mal, miy u gaę xidir’i estę
usari ke ame
voreku, bijeku u guku anę
koura çerenę sit danę
xidir beno sa
birra vergi lüy u hesi
çeverę xidir’ide
kutikę xidir’i estę
lowenę girenę vanę
sima kotira amę peyser serę
ita welatę mao
xidir beno sa
xanę xidir’ide
domanę xidir’i estę
benę pil
eve nun u sola welati
vengdanę vanę
ya xizir aqil u fam ma de
ma nę kesi destde girze ke
nę ki
kesi mianę ma serro derze ke
xidir hesneno beno sa
vano ya xizir
bewelat u bęqom merdena
ju lope asmęno hewz u keskra
ju vizoe hardodewręsra
ma u azę ma morum me ke
|
