Torné Tuji
Né tayé mordemi çıra niya
cérené
Çı tevera mısené, çé de ho vira kené
Çé de çı qeséy kené, cau né zonené
Çı ke nusnené, çıra ho ré né wanené
Camiye de çı zoneno, çı ke vané
Kilise de vatena ho ra posemané
Rehetiye de her çi rınd vira ho ané
Zovi fek cérino, cavé kesi né dané
Kilise de çı vané pey de né vındené
Améyi ve camiye ki cıra vérené
Na çéwésai, çiyo ke rınd né zonené
Naza haza vatene ra, qe vaz né bené
Çé ho de, hoveho çıqa ke ho goynené
Zovi cau de ki, cıré wayir né bené
Mıslet u cemat u de qesa ho saskené
Lewé mordemuné ho de ki mılqi kené
Qéy ca ve ca sureté heqi ra asené
Lao né çıra insoniye ré dısmené
Jü ke zono vazo, né çıra niya kené
Feq u fıqaru ki nébiyau soynené
Mordemé zé mordemu, maqa ho zonené
Cem de, camiye de çıturi ke vındené
Kilise de ki héni ré, xelet né kené
Se vındené, çı vané, héni ki asené
Turné Tuji, çı ke zoneno, qa nusneno
Çé de çı vano, mahkeme de éy zoneno
Çı ke zoneno éy vano, héni waneno
Verde ke rınd vano, péy de mılqi né keno
Torné Tuji
30.11.2007
