Ana sayfa
|
AX DE BIRA BIRA
Ax de bıra bıra,
bıra goniya mına tıra
Ma ez, hundé danu ve horo, vanu bıra
Tı; ne vénena, ne gos nanaro mı, çıra
Né bıra! Qéy bé xevera, tı qesa mıra
Zoné to; ro u cané to, qéy cıra vérda
Bé zoné ho ke menda, tı wesawes merda
To ré meste-büro çino, pelga de zerda
Pelga zerde, vayi qe dare ra néverda
To néréynena, xızmeta ke sariré kerda
Maqa xızmeta sari, ağwa deru berda
Mevaze ke bé zoné ho, tı keşiré derda
Azo de zon zona, ho dıma ke néverda
Zoné pi u khalıki maqa kamiya tüya
Bé zoné qomi, kamiya keşi nébiya
Maqa bé zoné pi u khalıki, tı; tı niya
Tı qe çiyé niya, ke zoné hora vérdiya
Wayiré zoné ho, wayiré mordemiyo
Cénike, ya ki camordo; mordem saybiyo
Her kes wayiréniya zonira name biyo
Bé name mendo, zoné ho ke cıra cériyo
Na dinya de qomo ke, zon cıra cériyo
Wesaves merdeo, bé ro u bé can biyo
Mevazé zon caverdo, merexé meqamiyo
Meste-bürro cıré çino, hora ke vérdiyo
Khalıké ho, Torné Thuji ra her tım va ke
Tım u tım dısmeni poseman, dostu sake
Mordemé ke sarre deza, cıré çéver rake
Yé to ke deza, pers mordemuné ho ra ke
TO NÊRÊYNENA XIZMETA SARİ
*Bir kişiye hizmet eden, onu onurlandırır.
-Bir dile hizmet eden, bir halkı onurlandırır.*
Torné Thuji
Bırayé mı niya ama,
tı niya meso
Béli niyo, qesé to wes, ya néweso
Héni bıke ke, qesé ma u to péreso
Qesé ma şéro, va az u azé ma reso
Qesuné hewl u wesu tı vezena ana
Pesew u perroz hundaé emeg dana
Ez kefil ke, taine zof zerre ra vana
Qomé horé ki tı wayiré ro u cana
Serva qomé ma, ke sené qesa nusnina
Ma bıra! Tı ke hundé ero cı fetelina
Mordemuné ma çı nusno, wayir véjina
Çıra di’ré deqéyi yé ho sero négurina
Eve wayiréni, zoni bené muxkemi
Sar ilazé ma çarneno zeyir u zıqqımi
Tı bé, gos bıde na bırayé huyé kokımi
Derdé ma sowda ma, yé ma cıré hekimi
Roştiya mordemu ra dormé ho véneno
Çı ke di, çımuné qomé hora waneno
Desté sımarao Torné Thuji nusneno
Qe rozé o bésowda qomi némaneno
Estemol-13.04.2009
Torné Thuji | | |
TI; YA TiYA, YA ÇiYÊ
NiYA -3-
Ho ra remena, sari wanena, zonena
ison niya, rasta ceddé ho néwanena
Tı pelguné sari vénena, pıro sérkena
Qenter ra warogıniya, yé ho névénena
Kami ke ho naskerdo, nesli dıma resté
Yé mordemé ke hoveho şerté ho esté
İyé ke ve vatena huyé, eve ho desté
Qomé ke hovehoé, tım wahiré mesté
Zé vatena sari, kam weşia ho rameno
Keso ke eve persé sari ra mıreno
Sar ke cıra sevazo, périne hesneno
Pér u qomé hora tım bé xever maneno
Serva sari kam ke bıbervo, koré huyo
Çımé sari ra niadoği, qe ho nédiyo
Sar tım poştiya hozonau ra ravér şiyo
Hemegehéç wahiré qe toway nébiyo
Tı sari ré, eve hozar serru bervena
Qalé ve hozaru merduné ho nékena
Namé déka déka déka sari zonena
Ma qéy yé pi u khalıké ho néwanena
Namu ke hesnena, cıré bulçi vındena
Taine ré ki sew u roz sılawote we’ana
Mezala khalıkuné to kotiya, nézona
Çévésae! ma tı isonie ra ki yana
Zé Torné Thuji derdé ho ré, nébervena
Ero dermané derduné ho nécérena
Serva derd u dermanuné sari nusnena
Mordem niya, coru ayne ro sér nékena
Torné Thuji
| | |
| |
MUZIR VILEÇEWT QOM
BÊHEDURO
Hardi sero eve name u vengiyo
Muzır, qa namé çemé de jargiyo
Héniyé Muzıri ki, hewsé dergiyo
Muzır raa ma de kemera çengiyo
Klik bike>>>
ROÊ DEWRÊSU
Ma! yé dewrésu, roé é kouno
Qesé dine ki, teverıké jiaruno
Her qom ho ré wayiré sayiruno
Désim tımutım caé dewrésuno
Désım de, Êli ki, dewrés zonino
O ki, ro u can ra cende wajino
Çü déy dest de şimşéro, fetelino
Şimşéré dewréş ra, kes nékişino
Dewrés ve fam u feraseté huyo
Bé aqıl u bé izan; dewrés niyo
Désım de keşi hona qe nédiyo
Dewrés, roé Désım ra duri şiyo
Dewrés poşti nékeno baré sari
Çıqa ke isoniye ré unceno qari
Dewréşi qomé ho ré xızmetkari
Zoné pi u khalıki ra duadari
Dısmen çıqa wayiré hekmetuno
Désımız ke hawuré na qesuno
Dewresé ho wayiré kırametuno
Roé jiaruné ho ra duri nékuno
Torné Thuji wayiré lawukuno
Tımutım tabiyé jiar u diyaruno
Hem ki ravané raa dewrésuno
Qom u zoné ho ra duri nékuno
Torné Thuji
JARU VENG DA
Désım welaté jar u diyarano
Désımız zerre ra venga cı dano
Verende ra mekané sayirano
Qa Désım wayiré zon u rengano
Mevazé ke, hata nıka niya bi
Ewro wa u bırayi péro piya bi
Aqıl u ro Dérsim ra gırédiya bi
Naza qedero şia qédiya bi
Roştiya çımuné ma, domoné ma
Désım ré wayiri, ro u cané ma
Derdu khulé maré, é dermané ma
Akerde niyé, çımé merduné ma
Suka Bonni, dormé ma herca khewo
Mevazé péyéno, yé ma hona newo
Ha Désımızé suke, ha yé dewo
Zon u rengu ré cayé ho télewo
Wa u bıra! Desti ke zerré destu de
Mordem cennet de eşq u mestu de
Piya heté wa u bıra u dostu de
Ha Bonnde, ha Désımde destu de
Torné Thuji ho Désımız zoneno
Tım vengé jar u diyaru hesneno
Désımız ke zoné ho qesey keno
Hela domanu ré heyran maneno
13. 06. 2009
Hundé ke Désım wayiré zon u rengano
Torné Thuji
15 é Hazırana 2009 ine Dıseme
BÊ RO
U BÊ CAN MENDO
Torné Thuji
Sari ré her ca rast u rınd u pak u siso
Qomé ma ré çino, ne cemato, ne mecliso
Bara ma ré, destu hovera kero roniso
Astoro zénkerdo ke, sar ero cıniso
Klik
Bike...
QOMÉ MA RÉ
SILAiYA
Vas, koka xo sero roeno
Toyr, zonê xo ra waneno
Kam ke aslê xo inkar kêno
Tozıke erzeno rêça xo, sono
Zerê vêsayêne, welatê xo
Vera dısmenê qar u inatê xo
Sare bıde, mede sırr u binatê xo
De çip bukuye, peru qanatê xo
To ver bi, to dıma bêro az ê to
SAYiRO PiL SEY QAZİ (1871-1936)
19 - 04- 2009
Roza Bazara Sate: 12:30 'de
Cıvraklılar Derneği Zeytinburnu /Istanbul'de
Dr.Daimi Cengiz, kar u guré xo yé serva Séy Qaji,
hata ve nıkayi,
Qomé maré anorazon.
SERVAZÉ QESU
1- Sey Qaji sero hata nıka çiyo ke nusniyo
2- Cao ke Sey Qaji weşiya xo ramıta, haluwexté
qomi senén viyo, idare çıturi viyo
3- Zagono vate ve amaena ho, weşiya qomé ma de
caé ho
4- Qimeté folklor u çiyé etnoğrafiqi
5- Rolé sayirun welati
6- Zagon u tarixé qomi de caé mordemuné pilu
7- Sayiréniya Séy Qaji sero ca u tesiré
domanéniya ho
8- Zagon u Zoné ma sero tésiré Seyidéni u
sayirénia Séy Qaji
9- Welaté made tesiré kılam u laukuné Sey Qaji
10- Sey Qaji ra mani u kılami
11- Naradıma serva Sey Qaji çı kar u gureyi bené
12- Kar u guré Dernega Cıvraki çı vajino
Cıra çı wajino
13- Komita Proja SEY Qaji ré se vajime, cıra çı
bıwajime
AMAENA QOMARÉ ZOF SA BEME
ALEQEDARU LEWÉ HO DE WAZEME
Makbule Çerimli
KOMELA CIVRAKi/ESTEMOL
YÉ MA BÉRO,
MIRODÉ MA BIVO
Kam Désimi ho ré welat véneno
Hauro, qomé dey cıra çı wazeno
Désimu ré ke çı lozımo, zoneno
Béro, xızmeta qomé ho ke keno
Qa juyo ke qomé maré ro u cano
Zoni ré wayir, welat ré heyrano
Qomé ho can u zerre ra gosdano
Bındest ki niyo, qesa Désimu vano
Taé xızmeta Desımu ré améne
Ine Desımu ré xızmete nédéne
Her serre ki kerdéne kom ardéne
Namé Désım ra festival gırédéne
Ma dina ollem tım yé ho wazeno
Tarix u hal, demé ho qesey keno
Hozana u sayiruné ho vezeno
Pé zon u zagoné ho ravér beno
Sar ke yéno uza, yé ho cıneno
Tever ra céno ano, uza weno
Hardé Désımi sero yé ho keno
Undér festivalé Désımi nébeno
Sar zoné hora kılamune ho vano
Meydan de govenda ho gırédano
Cıré wayir, Desımız zé meymano
O festival Désımu ra dur u yano
Né qesé Torné Thuji derezau ré
Domanu vıle çewt mekeré kauré
Qomi motaz mekeré çi u çınauré
Wayir vé ağwe u hardé uzauré
Torné Thuji- 23.03.2009
BINDEST DÉSIMIZ, DÉSIMIZ BINDEST NÉBENO
| | |
| |
|
Torne Tuji
EKE VANÊ VATO
Mordemo ke, çı wendo, veho fam nékerdo
Tım qa hora gırs qese kerdo, yého werdo
Her name biyo, kami ke baré sari berdo
Kutıké sari keşi ho çéver de néverdo
Ma coru fıkr u zıkré ho inkar nékerdo
Ollem zoneno, ma tım qaré qomi werdo
Qa yé ma ki zono, ewro ki ma ré derdo
Cuanık u camordu qese hard de néverdo
De taé ke qesuné hora gırsu kené
Vıréniye u péyniye pé nérasnené
Çı ame ra çımu ver, sari ré nusnené
Nécérené-ra-cı, qe coru néwanené
Nas u nos u nus fam nékené taé héri
Qe dı lıngın véne ki, ma ez se bıkéri
Gıran vo ki, xılafe çımu ver mecéri
Kelpi tım lowené, ez raa ho ra şéri
O heruné sari, tım bé vijdan zoneno
Ma de coru kes cıra vijdan néwazeno
Derzé sari po ro, coka her name beno
Qa juyo ke aqıl qesa ho nérasneno
Der u ciran ma rınd naskeno, zoneno
Ma çı nusno, dina ollem qa waneno
Wayiré vijdani, çı nusniyo, véneno
Ao ke korro névéneno, jura pers keno
Sıma ke vané yémayé ma heqiqato
Torné Thuji niya ro, se ke ma vato
Hewsé Dewrésélyaşi, Herdif ra nato
Sıma ra dıma az u uz niyo, hilqato
Torné Thuji
DISMENÉ HOVEHO
Yé toyéto pére u qomé ho ré
Dısmené, lézım u yarané to ré
Ve persé sari iyé ke har u moré
Désımu cıra vané, çıme koré
Mordem niyo, dısmen hového ré
Nébena, dısmenie der u dor ré
Eve ho céré, dısmeni cıra coré
Hoveho ré dısmeni, çhıme koré
Sermiyani persé sari mekeré
Ke, kerdena hora bıvéné xéré
Merexé qewxa mala cor u céré
Ma dinu ra ki ya ma vané, heré
Mordem vé, iyé ke wayiré moré
Bémordem, karé seré textu zoré
Wayir vejiné mordemuné ho ré
Mordemu nas nékeré, vané koré
Ax derdo, yémayé ma yaman derdo
Kam ke serva derduné sari merdo
Tım u tım riyé ho cemed ra serdo
Uncia ki mordemuné ho qar werdo
Torné Thuji yé toyéto tım zoro
Heté de to, heto bin ré har u moro
Qom bıné destu de, sar cıra coro
Bara ma ré, no çévésae çıra koro
Torné Thuji
Estemol-28.03.2009
-**-
Forum yönetimine not:
Kime ve ne denildiği değil, nasıl anlaşılacağı
önemli...
-*-
Kokımuné ma vaténe:
Tüyé koti kena, bıvéne...
Verva vayi tü nébeno, pijiçino riyé ho ra...
Qeso xırav yé wayiriyo...
CIVRAK
Ca vana, caé ho(xo)…
Cemat vana, cematé ho(xo)…
Zon qesey beno, zoné ho(xo)….
Qesekerdoğu persena, qesekerdoği ho ra…
Gosedari amé, qom u lézımé ho...
Werdene de niyadana, werd u potena ho...
Werdoği biyé kom, qom u lézımé ho…
Qal (thema//konu) weşiya ho ra… Qalé raa ho…
Qalé Raa pi u khalıki...
Roz u dem é hoyé jiargi(olli)
Ra u réça pi u khalıké ho…
Eve fıkré ho...
Eve zıkré ho...
Eve desté ho...
Eve vatena ho...
Méymani ki méymané ho...
Ma éndi mordem çı wazeno….
Hoveho…
Linguné ho sero...
Xoser...
Eve vatena ho...
Eve werden u sımıtena ho...
Naza caé Xormeçıku vi.
Naza caé Dernega/Qomela Cıvraki vi.
Méymaneké, xızıré ma berd, besna yé sari ra.
Zovina; her çi huréndiya hode, caé ho de vi.
Makbule Xanım(Yéma vané Mexmula Xanıme) Xızır to
dest wes vo.
Tı ve olvazuné hoé idara dernega /Qomela Cıvraki
é Lézımiye tım u tım wes u war vé.
-*-
Ma vizéri (15.02.2009) bime var. Bime ho.
Ma ameyme ra ho.
Ma ho qesey kerd.
Ma mordemiya ho qesey kerde.
Ma lézımiya ho qesey kerde.
Ma haştiya ho qesey kerde.
Ame ra ma viri ke, raa made, haştiye itiqat u
niyaz ra ravér yéna.
Ma deyisé ho wendi.
Ma lawuké khalıkuné ho vati.
Ma itiqaté ho qesey kerd.
Ma raa ho qesey kerde...
Ma XIZIRé ho qesey kerd.
Ma venga Xızıré ho da…
Qe kesi, ho nébesna koka de ğerive ra.
Kesi, serva sari xırave névate...
XIZIR sımaré wayir vone...
Torné Thuji-16.02.2009
| | | | |
