Hakki CIMEN
Wayi u Bırayę u Delali,
Ju sera bine vęrde ra.
Her cuanike u her cuamerd gune nika ho bisenco. Ala ae/eyi çi ardo ve meydan.
Çi virasto, çi rizno.
Her cuanike u cuamerd gune na perse hora perskero:
Esmer (emser) ez, çiqasi ho u qomę (miletę) horę gureo? Çiqasi mi dismenunę zon
u kultirę horę (Tirki u Khururę) mi xismete kerda?
Juyo ke ho nia senceno, ho ve ho mekemę (mahkemę) ho keno, beno ke sera newiyede
hevena senik xeta (xeletiye) bikero. Hama iye ke mekemę ho nękenę, yi sera
newiyede uncia ję vireni xeletunę ho kenę. Yi, uncia bęzonaxenira (bilinçsiz) ję
vatena dismenunę kamiya miletę ma, kamiya ma singirkenę, fęl u emelę dismenirę
gureenę.
KILMEKRA SERA 2006`de DOMONUNĘ MA ÇI KAR KERD? ÇI VIRAST? ÇI RIZNA?
A)- DeRsim (qomę ma “Dęsim” vano), namę ju cografiyao. Taę binę na nameyde
“Tunceli” fam kenę. Organizasiyonunę Tirki u Khuru, “DeRsim” kerdo ve moda.
Fizilę (ajani) Tirki u Khurunę ke wertę Zazau’derę, yi eve “DeRsim” politika
seytane virazenę. Gegane Khuri na cografyara vane “Kuzey Kurdistan”. Domonę ma
eve name “DeRsim”ra camati (dernek) virastę. Eve namę cografya viraste ke,
etnikkamiye (kimlik) mevajio. Çi ke Tirki u Khuri, lewę hodę ju mileto Zaza
nęwazenę, qebulnękenę.
Sera khanede (2006) domonuę ma uncia, ję vatena chepçünę Tirku u ję vatena
organizasiyonunę Khuru eve “DeRsim” camati virasti. Etnikname miletę hora (Zaza)
kar nękerd.
B)- Dersim Dernekleri Federasiyonu virajia. Misyonę na federasiyoni kilmekra
nia oseno:
1). Ma DęRsimiji mę. Zaza nimę. Marę “milli bilinç” lozim nio. Ma ho ve ho
yinkar kemę. Pee namę DeRsim’de ho damę we ke, Khuri u Tirki qarsę ma nębę.
2). Ma DęRsimiji sosyalisti mę. Ma humanistimę. Milletçenia Zazau kerdene zaf
kixa, qefçiliya. Ma millteçenia Zazau nękemę. Zazaki, kultirę Zazau mireno ki
bimiro, ma ho namę ro khereni. Ma sikimę ho eve Tirki ifade kemę. Ma miletunę
Anatolia xelesnemę. Falan filan ...
3). Ma DęRsim’de bonęcemi (cemevi) virazemę, kilit damę ve dismeni dest. Ję
vatena dismeni dame ve guręnayis. Ma bomunę Dęsim’i kemę berz, baqilu hora fimę
düri...
Domonę ma bonu virzenę, kilit benę, danę ve dismeni dest. Honde can seweta
felę Tirkı u Khuru beno qirvan.
Sera 2006’de uncia honde enerji u honde peręyi u pulę miletę ma çarçur bi,
si.
Qey?
Nu sene qedero siao?
Na sene sarehuskenia?
C)- Pireni u rayvereni karę mordemę cayili nio.
Qulo cayil teyina zerar ho nędano. Zerar dano ve miletę ho ki.
Tayinę birau, sera 2006’de dewreseni kerdę. Ita u uza ję Wele Xiranciki
bavaeni kerdę. (Welę Xiranciki, 1937/38’de miletę ma ke qirkerdo, milet hetę
ruyira kewto ve tenge (bunalim). Welę Xiranciki, esrar simito, ilan kerdo vato:
“Ez Hz. Eli’u!” Mileti, eve niaz u qirvanu u çiralixi, çenęy u veyviki u cęniki
u domonę pęrsani teslimę Welę Xiranciki kerde. Vatena khokumunę Dewa Kuresu’ra
Welę Xiranciki, pęrsanenia mileti suistimal kerda, pę namus u serefę mileti
kaykerdo. Ez ki, milet xeylae kerdo ve pęrsan.)
SERA 2007’de HO U QOMĘ HORĘ ÇI BIWAJIMĘ, ÇI VIRAJIMĘ?
A)- Yinkar caverdimę
Sera 2007’de ho u qomę ho yinkarkerdene caverdimę. Eve namę miletę ma (Dimili,
Zaza) camatu virajimę. Famcirasnaena milliye (milli bilinç) ayv nio. Eve serm u
ters politika saręteveri dimma siaenera nę ma, nę ki qomę ma xelesino.
Famęcirasnaena ho avę berimę.
B)- Dirikera çeran nęvęjino.
Eve cayileni pireni u rayvereni kerdene ma u itiqatę marę merdena. Dirikera
çeran nęvejino. Biraę ke na kar seweta pere u pul u nasbiaenę hewes kenę, bizonę
ke çualo tholra pir nębeno.
Biraę ke sera 2007’de hewesę na kari (bavaeni u pireni) kenę, gune teolojünę
dina pęru biwanę, cirę hakim bę. Heni hakim bę ke, verva Muslümanu u Hiristiyanu
u yahudi u Budistu u iyę binude, bisikiyę ho u itiqatę ma mudafa bikerę.
C)- Qomę marę ju televizyon lozimo.
Dismenu, eve eskeri u polisi u muxbürünę ho, eve mektevu u camünę ho, eve
dernegunę Elevü, eve dernegunę devrimcü (chepci), eve partünę ho, eve qezentunę
ho, eve radonunę ho u internet u televizyonunę ho aqil u famę qomę ma kerdo ve
qiloncin.
Mara juo ke qesa pake vano, rindiya miletę ma u piyabiaena miletę ma wazeno;
wazeno ke zon u kultirę ma merdenera bixelesno, vengę deyi kes nęhesneno.
Domonunę mara naę ke vanę “Ez sinatkaro.” vozenę, sonę televizyonunę
dismenude deyisu u suaru u lawuku vanę.
Mesela: Zafę Zazaę bezoneaxę ke, TV-Khuru’de na sinatkarude niadanę, nia fam
kenę: “Ni sinatkarę maę. Sinatkarę ma televizyonunę Khuru’de vejinę. Ekuno ma ki
Khurimę!”
Nia azę khani ki, neweyi ki peyderpey, giran giran benę ve Khur u Tirk.
Daera zonę ma Zazaki’de marę ju telervizyon lozimo. Bętelevizyon miletę ma
rew beno ve asimile. E ke televizyonę zonę ma (Dımılki=Zazaki) virajio,
asimilasiyon VINDENO.
Sera newiyede, jua/juo ke vano “Ez cuaniku!” ya ki “Ez cuamerdo!”, gune endi
posti organizasiyonune Khuru u Tirku medo. Pere u pulo ke dano ve yinu, seweta
TV miletę ma bido.
D)- Miletę ma ki laaqę demokrasiyo (serbestiyo).
Fizilę (ajan) Tirki u Khuru, wertę made postę devrimci u sosyalistu u
humanistude cirte erzenę. Pę ma u azę ma xapnenę.
Sera 2007’de dost u dismenę ho u miletę ho nasbikerimę.
Kes haqę maqe ma u miletę ma nędano. Ma ve ho haqa horę wayreni bikerimę.
Hata nika her kesi ho kerd otorite. Anarsi u kaosde xenekiyayimę. Anarsi u
kaos caverdimę. Anarsi u kaosde dismen ma weno. Daera sera 2007’de qiymet
juminidimę. Berimę tęlewe. Jubimę. Ju zonra qeseybikerimę.
Qılauzę Sera Newiye, haştiye wertę MA kero!
Xızır,
Sera 2007’de
qeda u bela u her cins nęwesiye,
aslı u neslę ho yinkarkerdene,
zurü u polu u palavra
ma u azę ma u qomę mara düri bero!
Biraę sima
Hakki CIMEN
