MA XIZMETA ZONÊ HO KEME
Torné Tuji
Yé mayéma qomé horé xızmeta
Fıkır bınusné, sıma ra mıneta
Bı nusné, bırusné sıma na heta
Horé mekeré derd, cıra çiyé xeleta
Jüya de bine, sımara mıneta
Karé ma se aseno, sıma heta
Bızonime, se aseno do heta
Kes mevazo ke, nayéma reheta
Ma çımde qa yé mayéma ki rasta
Ma na pelge ve çı hemeg vırasta
Can ke wes bi, çıke ame ma desta
Qéret keme, goni ma de ki esta
Zoné ma serro, kardi kerdi sone
Pelguné xeyali qolay mezone
Bıwane, bınusne, tı ki bızone
Bınge vırast, kemeré ki tı rone
Ma né vame ke yema vo, reheta
Maré bena derd, çiyé ke ğeleta
Ma çım ra di, péra ma ve qéreta
Qom ke pé şa beno, maré haleta
Qom va, sodır, sondır boyna bıwano
Gos ro qesuné béxéru né nano
No péro teknik u taktiko khano
Texelnayena qe aqıl né ano
Torné Tuji ki péyser né maneno
Kes çımuné déy cıra né tersneno
Çı nusniyo, yé ho ki téy, waneno
Bé “Zoné Ma” na dina né wazeno
Torné Tuji
02.11.2007
