BIRA NA LERZE ÇIRA

Maqa tı diyağé zeré ma, bıra
Ma yéto, na lerza to nıka çıra
Tiya ke wahira, se vérena tıra
Tı ke sona, ma çıra bé xatıra


Mın u to hona zuvini nédivi
Ez hona newe hasaré ho bivi
Mı hona to ra maqa névativi
Ğeyal u fıkré ke mı viride vi


Bıra no felek ma ra çı wazeno
Ma no çıra rae ro ma bırneno
Sat géyim, ma ré derdé pédakeno
Tım saré ma sero soji vésneno


Juyo ke ede ma ra, ho zoneno
Vizéri zoneno, mesteyi véneno
No bébext yéno ma ra céno beno
Na bébextie tım eve ma keno


Qa qom u péra to ré zolımiye
Na ve ma béxever u bé wext biye
Bé to, na ma sero şiya békeşiye
Zaf zor vénino wahiré wahiriye


Yé to sowda wa de gırane viye
Yéto zon u zagoni ré wahiriye
Eve desté sıma taine wedariye
Qomi sera, şiya béxeveriye


Ma zofine qa na qéretkaşiye
Xo zonauné zé sıma ra diye
Sıma ra mısayme ma xo nasiye
Arıste kerde qa maré kamiye


Roşti çımuné qomi de véneno
Ju ke zoné ma ré wahiréni keno
Torné Thuji qa bé dine nébeno
Cıra duri mend, zerré déy ho weno


Torné Thuji - 16/10/2008