Kırmanciye, Kırmanciye

Kırmanciye marê ro biye,
Wumıd biye, esq biye,
Welat biye, zon biye
Kırmanciye marê kamiye biye.

Kırmanciye, Kırmanciye

Kırmanciye, kamiya ma biye
Çımanê ma de fer biye,
Kıla zerrê ma biye,
Kırmanciye marê çêf biye

Kırmanciye, Kırmanciye

Kırmanciye marê raştiye biye,
Roştiye biye, haştiye biye
Zerra mawa bele de biye
Kırmanciye marê zerreweşiye biye

Kırmanciye, Kırmanciye

Kırmanciye marê çê biye,
Çê de sıtare biye,
Sıtara zerrê ma biye,
Kırmanciye, zagonê ma biye

Kırmanciye, Kırmanciye

Kırmanciye marê têsele biye,
Xecele biye, merdene biye,
Mesele biye, mezele biye,
Kırmanciye marê wes biye

Kırmanciye, Kırmanciye

Kırmanciye marê biya hesrete,
Kerda tomete, biya tomete
Endi bêre ra xo Kırmanciya homete,
Ma binê destanê sarê teveri meke!

M. Tornêğeyali, Gağan 2005