Torné TUJI
Anéra ve zon derduné ma
Berkené khul u kergané ma
Vésnené ra cigeruné ma
Kılamé ma ro u cané ma
Aqıl ané sarré mordemi
Dina serro vengé olemi
Kılamu né nusné, qelemi
Né yéné ra zon, wext u demi
Gege bené sowda sorre ra
Kıle nané ve cigere ra
Derdi né véjiné zerre ra
Neqşiné dar u kemere ra
Nalina bıra u waa ma
Kılamé ma vengé dewa ma
Telq u gurrayişé awa ma
Kılamu ra ramina dewa ma
Hewe ra manené sılami
Çine bé lawuk u kılami
Bené thol u tırrşi, kelami
Néné ra zon derd u merami
Ma kılamu ra né véreme
Kewtime raye né céreme
Zerre ra vame, né qireme
Kılami bi, ma né mıreme
Torné Tuji kılamu nusneno
Bé kılamu qe né vındeno
O kılamu ra xér véneno
Kılamu qomé déy waneno
Torné Tuji
