KALiKÊ MA MARÊ BESO
Torné TUJI
Vano "Çı héf ke saré marao
Eve ho ki malımé domanao
Ma vame, o çıra névané bao
Halé déy maré qedero de şao”
Mı va ”Kutiké sari çiyé niya
Maa toré na ki nébiyayiya
Qesé ke tı vana qefçıliya
Na vatena to bé namusiya
Ez ve pi u kalıké ho weso
Jü ke zé to nayé vazo tereso
Kalıké mı esto, mıré beso
Dina ollem zona, name ki Heso”
Ferejra ke hardé ho méreso
Kam vano kalıké déy geveso
Çı héf ke torné ho ewro tereso
Omedo ke azo de newe bıreso
Çıqa ke malé dina toré weso
Ewro ki hardé kalıku méreso
Wayir ke véjime, yé ma ki beso
Jü ke nézono, aqıl ra néweso
Torné Tuji vano na rae ra meso
Va Xızıro Kal tenge de bıreso
Welaté mao ke Hardo Dewréso
Kam se vano vazo, maré beso
Torné Tuji
