HAR BİYÊ
KOYO BERZ
Êrış, ters u xof biyo hewnê şewan
Tay zalımê, nêdanê taynan aman
Fanetikan tam tam xo kerdo vıran
Wazenê fına bırıjnê goniya insanan
Fanetikan newera ramıto meydan
Bes nêbi, rıjnê goniya bêgünayan
Ard qırê Zaza, Ermeni, Alewi u Kürdan
Nofın çımê xo verdayo Awrupiyan
Êyê, ê zalım u zordar sexte dindari
HOMA vano, ez dana cezay insani
Fanetiki vanê, bêinsandê Mısılmani
Ma do bıkışê biyarê qırê insandê bini
Kılisan kenê xırabe kenê xorê axüri
Miyan dı dewar u çarwan kenê wari
Têtewr kışenê qıj, pil, kal, qeç u quli
Nêyê, nêyê vanê ma yê, ma dindari
Har biyê, jewver ramenê meydan
Nêmend welatandê cı dı Xıristiyan
Semedo kı veri ard qırê ê hemınan
Nofın fek kerdo vera Awrupiyan
Nêyê, nêyê vanê ma yê ma insaniyê
Vanê no ma ra niyo bombaya kışenê
Eger ê xo insani bê, na juwerı nêkenê
Rewnayo goni nêrıjnaya wıllı har biyê
Çiyo kı nino hesabdê cı heramo vanê
Cı dest ra biro, goştê insanan wenê
Biro menfeeti ser maya xo zi roşenê
Nêvanê no heramo heme karê pisi kenê
Qul qulo kamcin dinra beno wa bıbo
Heqê kesi çıniyo insanê binan bıkışo
Heq, huquk u insanay vanê zey pêbo
Jew nêwerzo jewnay rê zalımey nêkero…
05-02-2006.
|
