Ali kilinc
Kalo gaxan homeda Tolivide cawode giran ceno,na Cihan‘de
péro Mılat eve zon ve tore yenora naskerdene... Ma
homeda kambé Désim'idek tae torey esté; ninora juk
Gaxan'o. Gaxan, Homeda Toliv‘die caworo gıran ceno Gaxan,hem
tore hemık heté raera tae çiyo xode keno oyi. Ez wazanke
ita eve kılmiye tayine biarinra zon, Gaxan, sere eve
can weşiye raviarnayenere sıkır kerdena,Gaxan'de
serdaena zeiyo şiyayena, yene'o péede şiyayena diare
mezelona, mısayiv kewray sone gormaxıya zumin xal xatıre
zumin perskené juk na asmede Ucaxode yäk tae çewode
Evliayeke esté ino vezené tozé dino céné hurenda cae
evliay rındek kené pak a roze niete yi Evliawora Miaz‘o
germ pozené cıranoné xora kené vıla. Na asmede zuk Cıvat
beno . Cıvat mané vengé Haqiyo...! Na Cıvat‘te niyeke
homeda Toliv‘die karé Pir, Rayver, Morsıt‘ıye şikiné
bırame yi yené té lewe veré yi Evliawode vengé Haq dané,
na Cıvat‘ra tipa zumiré evé kelo niaz halaliye dané
zumin.
İta tae çi esteke araze kerdene zof çetiniya xu esta...!
Cor mı çiyoke nıvısno Désım‘de mı çiyoke diyo yak hesno
u nıvısno, ewro waxtoke ma téyrime cof çi zuminra biyo
dür. Maimeke Avrupade wazeme çiyo niane rae fime;
şikimeke welat‘te çiyoke biyo ey eve zelaliye biamira
zon. Cor cıvat‘ra tipa zuminra helaliye guretiv!!! Waxto
vırede Zumiston zof çetı amene na rewallra Xelas werté
aşirode kerdo vıla, Pir, Raver, Morsıt asma gaxanede
çera vejiyene şiyene tolvo; made coka vané Gaxan verva
Xızır‘i sono. Xora werte gaxan‘e ve xelas‘ik çewres roze
esta wu rewalrawoke asma werte gaxan‘e ve Xelas‘e name
çele yak çeliye na pa; nuk mane çewreş dano.
KALO GAXAN
Na asmede juk khalkéke esta... Na khalkéke zof cawone
binodek kay biya, na rewallra welaté madek kaybiya hanak
kay bena... Na kar karoro akademiko ma nişkimeke xu sero
tae çio biamira zo. Ez wazenke mı çiyoke diyo ey
biarirnra zon. khalké eve naino kaybena kahl, fatıke,
arav,bekçi, khurşidar, ve thomurvan lewe ninode zofi
mordemi şikineke téy bıfeteliye ju beno mordemoro kahl
juyoro hérdisino haqve xuk hermo sero bastuna xuk
destdera, juk beno fatıke, na fatıke ji hermeto kınco
dané pıra rınd Pisené téra, arav‘ik xora name xu sero
teniya lozıngera rınd kené şa. Ni evé ri wayişiye dewede
çé ve çé feteliné péniyede çewora loqmeeke kerdé top
çéwoke beli kerdo wuza xore quluxera hewle kené hazır u
çede ham loqmoné xu wené hamık hatawo sodır xeceliné.
Ali kılınç
