İlhami Sertkaya(neql-12)
30-9-2006 de, raya Karêrıjan, verba
Frankfurti derg bena...
A ca de, Karêrıji yênê tê lewe, a ca de, dost u cirani, kewra u mısayibi,
heval u hogıri...
A ca de, veng u rengê ma kunê têmiyan, zerê ma de, a kılama ke nême de
menda, ebe hesreta seran, qurmê xo rışnena...
A ca de, gula hastiye, sılamê germi, bırqıniya çıman , hesretan ra,
xeribiye ra inad; Hunime.
A ca de, ma nê; Zerê ma qesi keno...
Ne nutuq u ajitasonê zuran, ne hesabê qefçıli,ne taritiye, ne deq u
dolabi...
A CA DE TENYA KARÊR...
Ma, Frankfurt de, kılama Karêri piya vanime.
Çı ke a ca de, ‘Ma Karêr de ni me, Karêr zerê ma de ro’, zerê xo de,
hesreta karêri vecenime, a heskerdena gırse neqışnenime...
Frankfurt, ebe rengê Karêri, tayêna beno rengın, tayêna xemılino.
Frankfurt, a şewe, ‘beno Karêr’...
Çı ke, Karêrıji a şewe, a gula Karêriya ke, bınê sıncanê hesrete de ro,
vecenê serê sênê Frankfurti de nanê ro...
Çı çiyê de weş!
Çı çiyê de delal u zelal...
Nıka ra, seba sewda Karêri, Frankfurt kewto hewn u xiyalanê ma...
Nıka ra, rojan marenime, rayan kılm kenime.
Çımê to, raya ma de bo Frankfurt, ma yênime, a klame piya vanime...
A kılama zerbeleke, a kılama renga renge...
A şewe Karêrıji mêymanê toyê Frankfurt!
Serê sênê to de, sılam u heskerdena Karêri neqışnenê.To ra, sılamê
Karêri kerem kenê...
Vengê Karêrıjan kunê têmiyan, ma pêro piya FRANKFURT DE, KILAMA KARÊRİ
VANİME...
Nê fırsendi meremnıme gelê Karêrıjan...
Na hesrete, no xiyal, na heskerdene, na sewda, ê ma piya wo...
Namê na kılame KARÊR O, Karêr mayi me, ma Karêrıjime...
İlhami Sertkaya
14-8-2006
Cevaplar:
