Ere sensasyon dıme kewtene...
X. Çelker
Değerli okuyucular,
günlerdir bu sayfaları işgal eden „Dersim – Zaza“ tartışmalarını
kimlerin ne amaçla tertiplediği hepinizin malümü. Amacım bu türden
tartışmalara katılıp benim açımdan kapanmış olan bir dosyayı yeniden
açmak değil. Fakat bir kaç yazıda adımın dolaylı olarak anılması ve Ware
arşivinden bahsedilmesinden hareketle aşağıdaki dipnotu düşmeyi gerekli
gördüm.
Ere sensasyon dıme kewtene...
Bıra İsmail, eke vatené de to esta, vace. Hama, ze viştoğa meeryize
werte. Torné Mırzé Sılé Hemi biyene şano, şerefo. Hama, mordem gereke
lıheqé é şan u şerefi bo. Toré neseta mı awa ke, mebe maşa desté kesi,
mordemo kamıl ze dara ke bıné yemişané xode averde namina, hama néşikina
héniyo. Çıxa ke namiya de, hondé ki beno kamıl.
Ez forumané interneti de hama hama ke nénusnen. Çıke zéde waxté mı çino.
Néşikin ze taine şodır peşewe internete de wézka bıdine xo. Dıma ki emeg
ra, namé qomi ra qesey bıkerine. Éwé ke na dawa ra xeberdaré kar u guré
mıra ki xeberdaré.
Jü ki wendoği qusıré mıde nia mede, qesa mı kamıla ra düri bo, internet
ze garana mal u dawariyo. Oca de hem isani esté, hem kutık u vergi esté,
hem ki mal u dawar esto. Cem u cemalé mordemi héni rehet nas nébeno, jü
mordem bese keno sed name ra bınusno, mereqliya ki beçıka xo sero kay
kerdene do.
Meselawa ke şıma hao çend rociyo gınené sero, mı çım de rewéna biya
qapan. Ma vatené xo vaté, nusné. Se ke her qom de zobina karekter u
fıkır de isani esté, made ki esté. Ma bıwazime ki bese nékenime her kesi
ze xo bıfıkırnime, raé de nianéne raşt ki niya. Dina daim vurina,
mordemi ki xode vurnena. Her sate de réy na mesela sero gınaene mı çım
de sebeta qalé xo dekernaene ere sansansyon dıme kewtena.
Ebe fénd u dubara ki rae nécérina. Heq iftıra mesoyno kesi ra. Çiyo ke
tı vana, „Bu tartismalara daha da aciklik getirecek olan HB’un göndermis
oldugu ve bazi Dersimli sahsiyetleri sucladigi ve tehdit ettigi
mektuplari da halen WARE’nin arsivinde bulunmaktadir.“ raşt niyo. Çıke
namé déy ra dı mektube ama warey ré. Mektuba jüye des u dı pelgiya,
ziyar u diyarané qomé maé céri ser amé nustene. Mordemi ebe na nusti
waşto ispat kero ke qomé maé céri cıxa ke biyo Musılman ki, itıqaté xuyo
veren ra taé çi qori kerdo, ze „Lınga Dundıle, Ziyara Paçkıne“ namé
veréni hona heté inade payraé. Mektuba dıine de ki –raşt-ğelet- Ware,
Tija Sodıri, Kormişkan be redaksiyoné ina sero gere u fıkré xo nusné (xovira
meke ke werté ninade Koo Berz ki esto, o ki to çım de Désım ra niyo;
yané mektube de vatena tora gore teyna qalé Désımıca névéreno ra).
Şiyena mına Anqara sero:
Se ke mı téde olvazané xode ki qesey kerdo, ez serra 1997ine de şiyane
izne. İzna xode ki –ebe waştena olvazané xo- şiyane Anqara ke, H. Seliçi
bivini, bımusine ke hela kamo, çı wazeno? Adreso ke diya bi mı Uluste bi.
Bono ke ma tede jümini di, è boni de zéderi tabelé partiyané islamista
be raştçiya kewti re çımané mı ver. Ma ke büro de niştime ro, kéf u halé
jümini pers kerd, è mıra va ke, olvazé déy wazené ke mı bıviné, mıde
qesey bıkeré. Çiyo de nianén ki proğram de çiné bi. Tabiyo ke şık kewt
zeré mı, mı ki cıra va, ez heréy kuna, waxté mı çino, ez gereke şori
Varto. Éy ke tené israr kerd, mı cıra va, ez ke Varto ra céra ya én, ma
jümini vinenime. É ki qebul kerd. Hama, Varto ra ke céra ra zeré mıra
néame ke şori ina bıvinine, néşiyane.
Mesela be xo nawa. Nıka taé wazené ke ez téareamaena mawa 15 deqey ra
rae kune, heqa H. Seliçi de qesey bıkeri.
Se ke mı va, na mesela mı çım de biya qapan. Çı ke ma ine nusta ra nas
kenime. Nusté ina ki dı mektubé ke mı cor qalé cı ardo ra éwé. Zobina ki
“bildiriyé” ke ina her kesi ré ebe posté ruşné éwé. É nusta ra gore ki
ma fıkré xo vato, nusno, kerdo vıla.
Hama, na vatena mı méro o mane ke, mordem tık u teyna biyena xuya veréne
ra gore makeme beno. Keso ke ğeletiya xo diya, arda ra zon, vuriyo,
vurino çığıré déy yakerdi bo.
Şık rındo, şıkkerdene rında, hama mordem gereke usıl bızano. Usıl ra
tever her çi zerar dano mordemi.
Xal Çelker
