DİNA BEXTE

Esténe qomé ser, gege sarey berdéne
Ge zerré ma’e de doman sungi kerdéne
Véyviké tezeyi ki viya verdéne
Çélıké delevergu gege goni listéne


Cısno har u mor ke caé ho néverdéne
Theyr u thur dina de rehet feteliyéne
Dere u derya, dina de jua nébiyéne
Herkeşi zé isonu, weşiya ho ramıténe


Qake welaté ho ro hukımran biyéne
Yé ma ke welat ré wahir bıwéjiyéne
Qéret ke bıkerdéne, piya bıguréyéne
Aşir u hezveti cıra duri némendéne


Keşi kokımé howtayi dare néesténe
Qenderve domané soweyi nékişténe
Qız u pilé ma keşi qır nékerdéne
Meyité ho, ma tiji vera néverdéne


Feké xuyo gılézgın ra unca asena
Torné Thuji! tı ayé rındek naskena
Verde ra cıra xeverdara, zonena
Dina bébexte ra, tiware nébena

Torné Thuji