Ali Erenler
Va
No vengê kamiyo, niya koun ra yeno
Ne emnon vereno, ne zımıston
No vengê bekesu, xo ve xo qeseykeno!
Şüye
Dürri ra yena, qefeliya
Haxbe xo rone, serê xo ki ser’ de
Emnono, germo, araq da
Lerz mekê na rae neqedina
Ağwe
Zelala, Çımê Munzur`iya
Vengê koun, serme tesenu
Thengiera netersena
Raa xo ra sona,
Raa zerya xo ra
Yeni
Vace bekese mı vace
Kam ame, kam şi
Kam dest riye xo şüt,
Kam dırvete xo!
Sanıke
Merdene esta, mendene esta,
Pirika to va, khalıke to va
Zür mekê, metıre, xo bızone,
waire xo ra meherediye
hes hesna, verg hesna, lüye hesna
tı biya qer, qe gos neda
nıka ki çı pers kena
‘ phepo keko, ez kamu, ez kamu’
