Torné Tuji
Héywanu ra, kutık xér
héywano
İnsoni ré ki, dosto de zof khano
Keso pése ke béro, mezal né dano
Çéver de bı vo, mordem bé gumano
Tari de mordem, kutıké ho téy bero
Qe kutıko de gırso, qé zeğero
Tojiyo xér, soyd de néçir kom kero
Memısné, gosto ke kallo, mewero
Dewe de maqa bé kutık né beno
Keso pése béro, pıra loweno
Kelpu ra qa a o ke ho sas keno
Céreno ra wayiré ho goz keno
Gula ho voro keno, zé vergu zureno
Kutıké sıma va çé sıma qori kero
Kutık ve kutıkiye, çé idare mekero
Xéro, eke veré çéveri dero
Vané koro, wayiri nas né kero
Torné Tuji çond réé ki goz kerdo
Na ruwat ra çond géyimi ilaz verdo
Çıqa ke inson eve feké kutıki merdo
Pé qesa kutıki merdene, qa derdo
Torné Tuji
13.12.2007
