BĘŞAREY U BĘWELATEY!
KOYO BERZ
BĘŞAREY U BĘWELATEY!
Qeder u nuşteyę įariyo una wa qe nęnuşneyo ey rındęriyo.
Ma şınę koti ma tım bęname, bęşar, bęwelat u xeribę. Welatę
kı, cayę kı ma şınę zi, ę welat u cay ma rę xeribeya. Veri
ma welatę xo dı xeribę suk u dewda xo, war u welatę xo bi.
Ya tersan ver, yan zi semedę zewbi meselandę binan hergı
cadı, yan zi hergı merdımi rę ma nęwetardę vacę ma fılan ca,
fılan sukı u fılan dewırayę. Tersan ver ma nęwetardę cay xo
namekerę u zewnay rę vacę. Eyra ma xerib u hesretę cadę xo,
war u mekandę xo bi.
Ez wazena tiya dı tay įiyan xoser vaca u rafina įımandę
wendoxan ver. Dı serda 1970 an dı ma hirę bırayę resayey
įepi bi u piyę ma zi Adalet partıli bı. Dı serda 1969 an dı
Mı Sęwregı dı Sanat Enstitüsi qedina u dı a serı dı Adına dı
Dewlet Su İşleri dı dest bı kardę Teknikerey kerd. Bahdę
įendna mengan kewta Sendiqa Yeni Ges İşi u dı a sendiqadı
biya temsilciyę cadę kari. Dı o wextı zahf merdıman
nęwetardę akerde akerde dı sendiqa dı kar bıkero. Dı serda
1971 an dı şiya eskerey. Hewna kı nęşıbiya eskerey mı zanayę
bıray mıno mı ra werdi Ebdılqadıro hereketędę Tırkanę įepan
dı gırweyęno. Labırę mı nęzanayę kęya u kamcin hereketiya
gırweyęno. Ez eskerey dı biya serre hewadayena Deniz Gezmış
u embazandę cı dest peykerd. Demna tepeya mı bırardę xo
Ebdılqadıri ra ne xeberę u ne zi nameyę (Mektubę) gırotı. Mı
bırardę xo yę werdirę name rışt u cıra persę bırardę xo
Ebdılqadıri kerd. Ey mı rę nuşna bı u vatbı to ra qahriyayo
eyra to rę name nęrışeno. Tı nęvanę demo kı, tay enbazę cı
tepışiyęnę u tay yenę tepıştenı, o zi semedo kı niro
tepıştenı yan zi destandę Polis u eskeran ra niro kıştenı,
şewę dabanįa xo nano xo sereya u xo kışeno. Hetta mı
eskereya xo nęqedinę u ez niyageyraya Sęwregı mı nęzana.
Bahdo kı ez eskerey ra ageyraya, bıray mınę qıję Ebdılqadıri
kıtab u įiyę cı mısna mı. O wext mı zana. Bıray mınę qıję ey
va, bıray mı, bıray ma na ray dı şı, vanę ma şopa cı bıramę.
Mı va bıray mı, xo ra veri ra ez dı a raydıra. Bahdo
egeyraya kardę xo yę Dewlet Su İşleri. Dı serda 1974 an dı
biya Sekreterę Sendiqada Yeni Ges İşi u hetta amyayenda
cunta mı o karę xo ramıt. Nıka ez do bira nıxteda mıhimı ser.
Dı serda 1977 an dı lecę Sęwregı, lecę Bıcaxıcan u ę įepdę
Tırkan u hereketandę Kürdan destpey kerd. Hereketanę Kürdanę
kı teber ra įeki ardi bi kı, bı inana dewletı dı lec bıkerę,
inan verę ę įekan kerd vera Bıcaxıcan u Zazayę biniyę kı
inan dı kar nękenę inan u ę pa kışti. Seni hereketę Kürdan
roneyęnę u hebę benę bıqüwet, hıma verę xo tadanę vera
Zazayan. Goreyo kı ma hirę bıray Dewrımci bi, fına zi kar
nękerd. Dı serda 1978 an dı xeylę PKK li arębenę pęser kı,
şırę bomba įekerę key pęrdę mı. Semedo kı ma Bıcaxızi bi. (Labırę
alaqey pęrda ma įiyęna įınębı. O tım wınyayę kar u bardę xo
u kışta heme Sęrwregıjan ra ameyę heskerdenı u qimet cı
dayenı). Hadreyeya xo vinenę u kenę kı ray kewę şırę şewı
bomba įekerę key pęrdę mı, jew enbaz vano, şıma biyę xint,
şımayę kenę se kerę? Hirę heme lacę ney Dewrımciyę. Bı o
hesaba ninan peydı aįarneno. Bahdo piyę mı peyhesęno u eya
tepeya bı dışmenę ma hirę heme bırayan. Piyę mınę pancas
seri įek kerd xo dest u dest bı lec kerd, hember ma u inan.
O semed ra ma heme merdımandę xo rę bi dışmen u hemını gefę
ma werd. O wext ma cı dest kewtę reyayena ma įınębi. Tabi
xeylę įi estę, labırę bı vatenı u nuştena peyni ninę.
Zekı mı va, Anatoli dı verę cuntada 1980 an, yanę demę
meselandę lecdę įep u raştan, Dewrımci u Zazayan, Bıcaxız u
ę eşirandę binan u ę dewrımciyan, ma hirę bırayę resayey įep
bi. Įepan, dewrımciyan, PKK e u hereketanę binan hember
sukda ma, hember Zazayan, hember Bıcaxıcan dest bı leci kerd
bı. O semed ra ma nęwetardę vacę ma fılan sukı ra, fılan
dewı ra, fılan eşirı ra u lacę fılan kesiyę. Heme sukda ma
rę, eşirda ma rę, dewda ma rę bibi dışmen u gefę kıştenda cı
werdę. Demo kı ma inan ra jewi dest kewtę u hetta ma xo
bıdayę sınasnayenı, ka ma įıįiyę, įıįi niyę, ma do edres
bıvırnayę, no dınyara bışiyayę dınyana. Sukıjanę ma,
dewıcanę ma, merdımę eşirda ma ya įekdaran ra kamcini ma
tepıştę, heta ma xo inan rę zi bıdayę sınasnayenı u bıvatę
eleqey ma bı nę leciya įıniyo, fına ma do edres bıvırnayę.
Eyra ma nęwetardę şırę suk u dewda xo u vacę ma fılan sukı,
fılan dewı, fılan eşirı u lacę fılan kesiyę. Bileheq u
billesemed tay hereketan bellay xo rot bı sukda ma, dewda ma
u eşirda ma. Qe werte dı įiyę įınę bı, waşt kı suka ma,
eşira ma u Zazayę kı paşti nędanę inan, inan wertera hewadę,
Sęwregı xo dest finę u saltanatę xo tey ronę. Labırę hesabę
keyi u ę įarşi pę nętepışt. PKK u hereketanę binan tay
merdımę zey Ferit Uzıni kışti u eşti Bıcaxıcan ser kı hemını
hember inan bıkerę dışmen u verdę inano. Kayę zahf limıni
Sęwregı serro kay kerdı u Sęwregı vıradę pę. Bıra bıray rę
kerd dışmen. Sęwregı kerdı dola goni, xırabe u węran. O kı
şa malę xo, xo dest ra veco ercan ercan malę xo rot u
Sęwregı ra bar kerd şi hetnaya.
Welatę xo dı, sukda xo dı, mekanę bawkalandę xo dı ma hım
xerib, hım bęşar u hım zi bęwar u bęwelat bi. Namey şar u
welatę ma ma rę men bı. Demo kı ma bıvatę ez fılan şara u
namey welatę mı noyo. Dema kı o namey, ę şari u o welato kı
ęyę vanę zey namedę inan nębiyayę, kışta esker u polisandę
Tırkan ra ameyę tepıştenı u iskencan bındı, yan zi įina ardę
cı sere dı u kıştę yan zi berdę eştę zindan. Bı no hesaba
wertera hewadayę. Bahdę Tırkan no įi nofın hereketanę Kürdan
inan ra dewr gırot u cayo kı, esker u polisanę Tırkan nęşa
xo cı resno, yan zi ę nęresay cı, nofın hereketanę Kürdan
destę xo hettę ę cayana derg kerd u o įiyo kı eskeran u
polisando bıkerdę, inan o įi kerd. Ę hereketan zi keso kı
zey inan nębı u paşti nędayę inan, inan įiyę ardę inan sere
dı u ę wertera hewadayę. Bı no hesaba dı adıran miyan dı ma
mendi bi u ę dı adıran miyan dı ma heyatę xo ravęrnayę u
xover dayę. Eger no heyato se? Dı adıran miyan dı kes seni
damış beno, seni xover dano u bı o hesaba heyatę xo seni
ravęrneno, şıma bıhesıbnę u vacę?. Qe įiyę niro kesi seredı
zi, kes piskolojika, tersa serri leqneno, yan zi xo rę bar
keno u hetnaya şıno. Kesę kı heyatę xo dı lec nękerdo, lec u
pęrodayenı ra hes nękenę, mecbur mendi kı lec bıkerę. Semedo
kı Polisan, eskeran, hereketan aman nędayę cı. Taytaynan zi
no lec xo rę kar ard. Kesę kı emırdę xo dı sileyę jewnay ro
nędaya, dı no lec dı hergı jewę inan cayęra bı şęr u kewt
meydan. Kam raşt ame ya siley u koteki kerd, yan zi fışengę
nę qafdę seredę ciya u kışt. Kesi fahm nęker u nęzana o yo
se beno, kam dışmenę kę, kam dostę kęyo. Kesi nęzana kam
kamirayo u kam paşti dano kami. Lecę Sęwregę ę wexti bı lecę
raşt amyayenı. Ę kı jewdo nęsınasnaye, yan zi cıra
hesnękerdox raşt ame u kę şa da ę hemberdę xoro. Kesi nęva
no dosto, no sınasnayeyo, no merdımę mıno. Jewver u jewser
kewti lec u meselan miyan u eya tepeya kesi xo nędi. O wext
kamcin įek tı vacę Sęwregı dı ame cerıbnayenı u serrę
Sęwregı bı mıj u duman. Welwela qılaya, adır u fışengi varay
Sęwregı u şardę Sęwregę Zazayan ser, herunda rahmet u varani
dı. Zazay tay bi qorıci, tay bi PKK eli, tay bi DDKD li, tay
bi įepę Tırkan, tay bi bękışt u xorę barkerd şi hetnaya.
Taytay zi kewti zerandę xo u pawıt ka soyınę cı seni yeno u
seni beno, gorey ey qerarę xo bıdę u cay xo bıgirę. Pawıt ka
kam kewno ser, kam qezenc keno, kam keno vıni, gorey ey
hereket bıkerę. Yanę kışta kı kewta ser u qezenc kerdo inan
hetı cay xo bıgirę. Taynan zi va ez wına kena Hükmati, wına
kena hereketan, no lec lecę ma niyo u xo rę bar kerd, day
pıro remay u hetnaya şi. Taynan zi dı ę leci dı tunıkę xo
kerdi pırr u barę xo degrot. Tabi inan rę amebı acı. İnan rę
roc o roc bı. İnan kefen zi bırotę karę cı tey bı, įek u
fışengi zi bırotę karę cı tey bı. İnan rę roc akewt bı,
aşmiya pancęsi vıciyębi. Kapokę inan tım raşt u įıtı amebı.
Dem demę inan, kęf kęfę inan bı. Vanę ya, Verg haway pukıni
paweno. İnan zi o hawa u a rocı pawıtę kı, estora xo bıramę
meydan.
Bahdę Cuntada 1980 an ma welatę bawkalandę xora remay u
amey welatandę Awrupa. Fına ma uza dı xeribę u o welato kı
ma ameyę u tey ca biyę ma rę xeribeya. Ma bi hemwelatiyę o
welato kı ma ameyę tey ca biyę ę ę welati, labırę fına zi ma
xeribę u ca ma rę xeribeya. O welato kı ma ameyę u tey ca
biyę, o welatı tersę Polis u Eskerandę Tırkan ma serra
werışt u bęters ma va; ma fılan kesę, fılan şarirayę. Taynan
ma qebul kerdi, taynan zi eşt xo goşan pey u xemę cı nębı,
ka tı kamcin şarirayę u kamcin welat ra ameyę. Demna dıha
ravęrd u wextę cı ame, ma taytaynan xo sınasna ka ma kamiyę,
kam niyę. Taynan va ez Kürda, taynan va ez Tırka, taynan va
Zazaya, taynan va Kırmanca, taynan va Dımıliya u herwına.
Taynan va welatę ma Kürdistano, taynan va Zazaistano. Taynan
bülgecinı kerdı, cay xo, suka xo ramıtı ravey u xo uzay
serro hesıbna. (Mı zi va Dımılistan, Sęwregistan, Bıcaxistan
u zey ney). Demo kı ma wına va, nofın heruna Polis u
Eskerandę Tırkan, hereket, parti, şövenistan, faşist u
inkarciyanę Kürdan u tay xo inan rotoxan gırot u nofın ę bi
ma rę dışmen, bi gangęrę gandę ma. Nofın inan zey Tırkan va;
Nę, nęęę! Nębeno şıma una vacę. Zaza u Zazaistan, Dımıli u
Dımılistan, Kırmanc u Kırmanciye įıniyo. Şıma Kürdiyę, şıma
marayę. Şıma nęşenę vacę Zazaistan u heqę şıma įıniyo şıma
vacę ma Zazay şarę, şarędo xoserę. Vanę şıma vacę ma Kürdiyę
u welatę ma Kürdistano, jewbi ma heqę heyat kerdenı nędanę
şıma. Ma şıma xayın ilan kenę u kışenę. Şıma kamiyę şıma
vanę ma Zazayę u welatę ma Zazaistano. Şıma nęzanę heme įi
ma qerar danę u dı ma dı qedęno. Nofın ę zey faşistandę
Tırkan bi hari u kewti gandę ma. Bı zora va şıma do vacę ma
Kürdę u welatę ma Kürdistano. İnan xo vira kerd kı, verę ney
įend serri Tırkan inan rę o įi vat bı. Herunda Polis u
Eskerandę Tırkan u faşistandę inan dı nofın Kürdan waşt kı
ma koįıkę awı dı bıfetısnę u ę kı mendę inan zi xosero
bıhesıbnę u semedę menfeet u lecdę xo kar biyarę. Newe zi ę
wazenę ma asimıle kerę, ya xosero bıhesıbnę yan zi wertera
hewadę u vıni kerę. Semedę nę įi zi įıįi cı dest ra yeno
texsir nękenę kenę u hewna zi ęyę kenę. Biyę hari u kewtę ma
dımı. Dışmenę xo Tırkan ra fek vıradayo, biyę dışmen u
gangęrę gandę ma. Įınay xo xora veto u zey taziyana kewtę
seydę ma dımı. Wazenę kı ma heme įirę qürban kerę. Nofın ęyę
adır varnenę ma ser. Ma nęwetanę įiyę do raşt vacę hıma zey
vergana dındanan qirįınenę, zıwani vecenę u bı hılpı hılpa
ęrış anę ma ser. Wazenę kı ę dındananę xoyę nuan gandę ma dı
war kerę u ma dı goni dı verdę. Ma no wına biyo? Kamcin şar
u kamcin heq ney wına qebul keno? Zıwan u Kültırę ma xo rę
kerdo kaybenıkı u ęyę pa kay kaykenę. Televizyonandę xo dı
zıwanę ma kerdo rezil, semedo kı lehįey Kürdi nişan bıdę
įiyę nęverdayo ardo cı sere dı. Zıwanę ma zey Şewşewoka (Yarasa
kuşu) ruįıknayo. Per u perzaney zıwandę ma cıkerdę u o yo
erdı pırpızęno. Şıma zanę verniya nę įi zi tay Zazayę ma yę
xorotoxiyę ancenę. Ę biyę kütık u peyey inan. Ę inan vęşęri
har biyę u ęrış kerdo meydan. Labırę wa xo vira nękerę, rocę
cı ameyo, şarę ma nęhesabi inan ra pers kero u ę kerdenanę
inan lofık lofıki inan zıncira biyaro.
Şaran ra, merdıman ra, insan heskerdoxan ra, aver şiyayoxan
ra, roşnberan ra, heqsınasnayoxan ra pers kena, kes seni u
bı įı hesaba tersan miyan dı, tersandę dışaran bındı seni u
bı įı hesaba şew u rocanę xo pırr keno u heyatę xo domneno?
Welatı zılmę Tırkan, tahda Tırkan, terteley Tırkan, teberdę
welati dı zılmę Kürdan, inkareya Kürdan, no do qe seni bıbo
u bı įı hesaba hal bo? Bı įı hesab u kamcin qüweta ma do xo
ninan dest bıreynę? Zılım u tahda jew Tırkan bes nębi, ę
Kürdan zi kewtı ser. İnkareya Tırkan qay tany ameyę, nofın
inkareya Kürdan vıciyę ma ver. Ma do seni u bı įı hesaba
ninan xo serra dahf bıkerę? Bı įı hesaba ma do xo destandę
ninan ver bıreynę u xo ze şar bıdę sınasnayenı? Bı įı hesaba
ma do kameya xo xodest finę? Tırki bes nębi, bibi bellay
serredę ma? No se biyo Kürdan ęyę inkarcinı kenę? Wazenę ma
xo miyan dı bıheleynę, asımıle kerę u xoserro bıhesıbnę?
Demo kı ma vanę ma Zazay mıletnaya, įırę ę har benę, pıręnę
xo xosero dırnenę? Hetta key ę do na inkareya xo bıdomnę,
Zazayan vero bend bę u inan xosero bıhesıbnę?
Wextę dı mı partiya įepa İsveįi dı bahsę nę įi kerd u
mesela xo sere ra heta bın pęseramyayenę dı va. Kalędę şeşti
serri heqę qısekerdenı gırot, werışt pay u wına va; Wına
nębeno. Vanę ma nę ezadę xo rę wahęr bıvıciyę. Tırkiye dı
tersandę Tırkan ver, tiyadı zi tersandę Kürdan ver heyat
pırr nębeno, roc u şewi nęravęrenę. Na mesela do hetta koti
u įıwext bı no hesaba bıramo. No įi veri ameyo Kürdan sere
dı, vanę ę wına nękerę. Kes xo įıįi bıvino, įıįi bıhesıbno
kes oyo. Ters u xofa kes nęşeno heyatę xo bıramo. Ma paşti
danę Kürdan semedo kı inan rę zılım u tahda bena, zıwan u
kültürę cı men beno u heqę ciyę şarey nędeyęno. Labırę ma yę
vinenę, ę yę zi şarnay rę o įiyo kı inan rę ameyo kerdenı ę
įi kenę. Qe cayę dı şarędo zey şardę Zazayan įıniyo, teberdę
welatę cıdı şarna bıvıciyo cı ver, zor bıdo cı u vaco ilam
tı do mara u şarę ma bę u xo ma serro bıhesıbnę. Şarę binę
kı kışta şarna ra dest neyayo welatę cı ser, ę yenę welatę
ma dı, yan zi welatnadę Awrupa dı, akerde akerde pıropaganda
u siyasetę xo kenę u vanę ma no şaro u namey welatę ma zi
noyo. Demo kı Zazay nę įi vanę, semedę įıįi Kürdi hember
vıcęnę? Ę welatę ma dı akerde akerde vanę ma kürdiyę u
welatę ma Kürdistano. Zazay nay vanę įırę hesabdę inan nino
u zordę cı şıno? Demo kı jewdo Zaza vano ma Zazayę, Zazay
şarędo xosero u welatę ma Zazaistano, vanę Kürdi qebul
bıkerę u ęrış nęberę cı ser. Demo kı Kürdi na juwerı nękerę
u hęrış berę Zazayan ser u bı zora vacę şımado marabę, ferqę
inan u ę Tırkan nęmaneno, vanę ę nay bızanę. Įiyę do wına
qebul nębeno, vanę Kürdi nay nękerę. Vanę ma ray nędę nę
įiyandę wınasinan, nę įi welatę ma dı ri bıdę. Heqę jewnay
įıniyo niri jewi mıli serno u bı zora bıwazo ey şarę xo kero.
No wına qebul nębeno. Eyra vanę ma nę ezadę xo rę wahęr
bıvıciyę. Tersandę dışaran bındı heyat pırr nębeno u wext
nęravęreno. Kes nęşeno nę įidę wınayrę damış bo u xover bıdo.
Keso kı, şaro kı ma yę cırę vanę dostę mo yo, bıray ma yo,
ma yę wınęnę ęyę ma dı dışmeney kenę u wazenę ma xo miyan dı
asimıle kerę, bıheleynę u wertera hewadę, yan zi xosero
bıhesıbno u bı namu hesabdę xo ya zey xo kar biyarę. Ma xo
destadę, vernida xo dı ma bırışę kıştenı u ma serra xo rę
siyaset vıracę. Demo kı verę ney dirę seri inkarci, faşişt u
şövenistanę Kürdan bı her babeta internetı u jewbi rayandę
binana, hım bı nuştena u hım zi bı jewbi sistemana ęrış ard
ma ser u semedę kıştenda ma hirę embazan Almanyara merdımi
day ardenı, ma gere Polisandę İsveįi hettı kerd, Polisi zi
zey ę ezadę partida įepi va u bahdo zi ma rę va şıma kęra
şık kenę ma rę namanę cı bıdę ma herunı dı inan tepęşę. Ma
nęwaşt namey jewi bıdę. Raşteya cı ma va ma u Kürdana ma
bırayę pęyę u tęmiyan heyat ramenę. Eyra ma nęwaşt meseley u
nęweşeyę gırdi ma miyan kewę. Ma nęwaşt şarę Tırkan
peybıhesiyo u nę įiyan xorę kar biyaro u ma wırna şaran
verapędo u pędı bıdo kıştenı. Ma waşt kı Kürdi bı xo nę
įiyan bıfıkıriyę u şareya ma verę şarandę binan ę qebul kerę,
heq u paşti bıdę ma. Labırę dano nişan kerdenı kı, taydę cı
Her ameyę, do fına Her şırę. Qebul nękenę, ęrış anę ma ser u
tım vanę şıma Kürdiyę u welatę şıma Kürdistano. Ma vanę, ma
Kürdi niyę, ma şarę Zazayanę, Zazay zi şarędo xosero, nofın
har benę u rayanę binan cerıbnenę. Wına bırayinı nębena. Ma
yę xo bı xo xo xapeynenę u vanę ma bıray pęyę.
Dı serda 2003 an ra tepeya ęrışę Kürdanę ma ser ardenı
hebę bı sıst. Labırę menga (aşmiya) jondesiya (11) 2005 an
ra fına newera destpey kerdo u ęyę gefi wenę u tehditi
varnenę embazdę ma M.Elişani ser dı telefonan dı. Mı rę zi
hıma hıma hergı roc telefon kenę u hıma gęnę. Ez wınęna
bęamor u nımıteyo. Embazę ma M.Elişani newera Polisi hetı
gere kerdo. Polisiyę serro gırweyęnę şopı raşt kerę. Polisi
wıniyay telefondę M.Elişani u fahm kerd kı mesela cıdiya, va
ma to rę pawıtoxi danę wa to bıpawę. Ma yę zi wıni bırsıdı
pawenę ka do sebo. Eger no wına dombıkero u şıro, ma do zi
cayę dı bıteqę u dest bı nabęndę lecdę xo u inan bıkerę. Ma
zanę o wext ma wırna kıştido zi nę leci ra zerar bıvinę.
Karę nę leci ma wırnan rę įıniyo u nębeno, dışmeni rę beno.
Labırę ma se kerę, ęyę nay wazenę. Ney dı hendę mısqalę
xetay ma įıniyo. Ma yę dawa şareyda xo vinenę, ęyę zi ma
tehdit kenę u vanę dawa şareyda xo mevinę, ma şıma kışenę.
Ęyę vanę qey ma yę inan ra tersenę. Hember dışmeni, hember
Tırkan heta ewro ma bęveng mendę kı, ę na mesela xo rę kar
niyarę, kayanę limınan ma nabęn dı kay nękerę u ma pędı nędę
kıştenı. Eyra nębıyayę rewnayo ma zi cayę dı teqayę u ma
dest bı nę leci kerdę. Vanę haya şardę ma Zazaciyan nę įiyan
ra bıbo. No nezdi dımengano, fına hember ma dışmeneya Kürdan
destpey kerdo. Tay fına har biyę, pıręnę xo dırnayo, dındanę
xo qirįıknayę u ęyę ęrış anę ma ser. Ę vanę qey bı no hesaba
ę do ma bıtersanę u ma do zi tersan ver vacę e, ma Kürdiyę.
Vanę ę na juwerı zahf rınd bızanę. Demo kı ma na ray
weįinaya, ma heme įi gıroto xo įıman ver. Dı na ray dı merg
esto, labırę ageyrayenı įıniya, vanę ę nay wei u weş bızanę.
Akı ma Tırkan destı anto u hewna ma yę ancenę qey bes niya,
nofın zi ę Kürdan kewtı ser. Vanę demęna Kürdi ę xo ser finę
u ma Kürdan dest bancę. Lec, tahda, men, tertele, inkarey,
zordarey u zılmę Tırkan ma rę bes nębı, yan zi tayn ame,
nofın ę Kürdan kewt ser. Qay bes nębı Tırkan namey welatę ma
vırnabı kerd bı Tırkiye, nofın Kürdiyę kenę bıvırnę u
Kürdistan panę.
Fınę mirę Anatoli qesiyaye, herımiyaye, tırş, boyın
alawıyayo. Tı seni bıkerę amin nętepşeno. Sistemi verira
xırab roneyayę. Bewnirę tay Ermeni u Xıristiyanę bini, yan
zi ę kı Mısılman niyę inan ra xeylanę cı dinę xo, ya tersan
u kıştenı ver, yan zi semedandę binan ver vırna u bi
Mısılmani. Labırę no se serrı vęşęriyo hewna o įi inan serra
nęwerışto. Hewna ęyę mehmelena vinenę u hewna tayniyę inan
rę ya Gawır yan zi Dönme vanę. Se kenę se nękenę nęşenę ę įi
xo serra berzę u ę binan miyan dı cay xo bıgirę u zey inan
mıamele bıvinę. Bi Mısılman zi zılım u tahda ver nęreyay. Bi
Tırk, bi Kürd, bi mısılman, labırę fına zi qebul nębi u zey
insanana cırę meamele nęvineya. Tım u tım zewbi įıma wınıyay
cıra, cı werdi di u tahda u zılım cı serra kemi nękerd. Eger
mirę Anatoli qesıyaye, herımiyaye, tırş u boyın nęalawıyayę,
sınasnamandę inan dı dinę cı SURYANİ niyameyę nuşnayenı.
Mı verę ney įend serri kalędę Ermeniyę dewayuhirę (93) seri
ra pers kerd u va; -Sınasname (kimlik) dę to dı, dinę cı
Xıristiyan nuşna bı, ya zewbi įina? Ey va; -Ne xıristiyan u
ne zi İslam nuşna bi, suryani nuşna bi. Mı va; -Ma şıma
Suryaniyę? Ey va; Nę, ma Ermeniyę. Mı va; -Semedę įıįi
Xıristıyan nęnuşna bi, Suryani nuşnabi? Ey va; -Ez tam
nęzana, labırę a kı ez zana, nęwaştę sınasnamedı Xıristıyan
biro nuşnayenı. Demo kı Ermeni qırkerdi Ez new-des sere biya.
Ermeni zahfę cı ameybi qırkerdenı u ę kı mendibi zi xo
dıskına bı şardę biniro. Mesela ma xo Dımıli hesıbna bı. Ma
namey berda xo, yan zi eşirda xo nęvatę, ę jewba ber u
eşirda Dımıliyan vatę kı kes nęzano. Labırę fına zi şari
zanayę. Ma bı ę sınasnamedę xo ya ne wetardę şırę Tıxtor, ne
wetardę şırę cado resmi. Şari dayę ma ro, malę ma ma dest ra
gırotę, ma kıştę ma nęwetardę şırę hükmati hettı gerey cı
bıkerę. Ma zahfę cı zanatkari bi u ma įi vıraştę. Zu zu fını
ma bıdeyna įi dayę mışteriyandę xo. Jew jewi perey ma wextę
xo dı nędayę u berey vıstę. Demo kı ma cıra deynę xo waştę,
vatę; Ez Ermenirę, Gawıri rę, dünmi rę pere dana. Ma wınyayę
nębeno, ma .iyę key axay, key Heciyan (Bıcaxıc) yan zi key
Qırwarıcan u ma gerey inan serdarandę ę eşiran hettı kerdę,
inan zi perey ma inan ra gırotę u dayę ma. U fınę xori ra
axi u keserę antı u va; -Ma bol, bol zahmetey di. Ma hım
hükmati dest ant u hım zi şardę sıvili dest ant. Kam ameyę
sileyęda xo dayę ma ro u malę ma bı zora mara gırotę. Ma ra
cerime werdę.
Bılleheq u billesebeb ma yę xo kenę ercan. Bęsemed xo
dejnenę u serey xo tewnenę u Kürdan rę vanę ma bırayę pęyę.
Ę merdımiyę ma bırayey rę qebul nękenę u vanę nę, nę. Bı
zora vanę şıma do zey ma vacę, zey ma bıkerę u zey ma ray
şırę. Şıma do xo ma serro Kürd bıhesıbnę u vacę welatę ma
Kürdistano. Şıma do qalę şareyda Zazayan u welatę Zazaistani
nękerę. Demo kı şıma qal bıkerę, ma kokę şıma kenęnę u qırę
şıma anę. Ma wextę xo dı bı Tırkana piya nezdi milyonunimi
Ermeni qetıl kerd u dest na mal, mılk u welatę cıser. Ewro
zi ma şenę fına bı Tırkana piya hirę-įıhar milyon Zazay zi
qetıl kerę, dest mal, mıl, war u welatę cı sernę. Ewro dınya
ma paştidiro u ma zahf qüwetiyę. Bı rehateya ma şenę şıma
wertera hewadę, demo kı şıma xo ma serro nęhesıbnę, zey ma
nęvacę u zey ma nękerę. Bı no hesaba gefi wenę ma ser u
wazenę ma dı koįıkę awı dı bıfetısnę u a awa cı zi bışımę.
Wa şarę ma, aver şiyayox, roşnber u nuştoxę ma na juwerı
zahf rınd bızanę, bę menfeti dostę ma Zazayan įıniyo. Nę
heme kayę ma ser kay benę. Ma yę kesi dı dışmeney nękenę,
raya kesi nębırnenę u kesi nękışenę. Ma yę zey şarandę binan
heqę şareyda xo wazenę. Eger na dışmeneya, lete kerdena,
pęra abırnayena, wa qe bıbo. Hesabę ma kesę kı ma inkar kenę,
dest nanę war u welatę ma ser, namey şar, war u welatę ma
vırnenę kenę Tırkiye yan zi newe zi kenę Kürdistan kerę bı
inana esto. Ę kam benę wa bıbę, wazenę wa Tırk wazenę wa
Kürd bę, jewdę cı zi dostę ma niyo u hesabę ma bı inana esto.
Kesę kı ma inkar kenę, semedę xo kar anę, war u welatę ma
kenę talan, şarę ma kışenę yan zi mecburę koįkerdenı kenę,
ebed u billa nęşenę dostę ma bę. Ma bı no pancsey serro ma
yę vanę ma u Kürdana ma bıray pęyę. Bıray įıįi? Kę nakę kę
cıkerdo? Weş, weşa bırayinı, labırę demo kı, bıra bıray
bısınasno, qimet bıdo pę u heqę pę nęwero bırayo. Demo kı
jew bıra werzo bıray bini nęsınasno, dest mal u mılkdę cı
serno, heqę cı buro, yan zi bıwazo ey banco kameyda xoser u
xosero bıhesıbno, o nęşeno bıra bo. O wext bırayinı nębena.
A bırayinı ra vıcęna bena bębextinı, qeleşinı, inkarey u
dışmeney. Kesę kı ma semedę siyaset, menfeet, kar u bardę xo
kar anę, ma kok ra inkar kenę, kamcin şar benę wa bıbę,
dışmenę şardę ma yę. Dostę ma, dostę şardę ma, vanę şareya
ma qebul bıkerę. Ę kı ma yę cırę vanę dostę ma yę, enbazę ma
yę, bıray ma yę, ma dı raşt niyę. Ey ra ę bıray ma nę,
dışmenę şardę ma yę. Vanę şarę ma xo bı xo pęrę bıbo. Ne
Kürdan ra u ne zi Tırkan ra ma rę esto. Ninan ra ma rę xeyr
nę, şer yeno, lec yeno, kıştenı yena, inkarinı yena. Wırna
şariyę zi zey cemediya ma xo rę kar anę u heleynenę. Xora no
dıseyserrı vęşęriyo Tırkan hım ma serro u hım zi şarandę
binan serro zılım u tahda xo kemi nękerda u serrı ra serrı
kenę vęşi. Serra kı qetıl nęvıracę ya ma nękışę yan zi
mecburę rem u koįkerdenı nękerę įıniya. Vanę haya ma ma ra
bıbo u vanę ma bıdestandę xo ya serey xo bıwırinę.
11-02-2006.
|
