BARKERD AMEYİ
Torné TUJI
Duri ra ameyi, barkerdivi golig u gayi
“Goç kerd ma, héyni yé ma biyé jüayi
Çımeyi, vayi, dereyi u çemi bıriyayi
Çunıji, golli, deryayi péro ki uncayi
Vésaniye, tesaniye çéveri né verdayi
Qom u qebilé ma her hetu ser remayi
‘Ma ho esto bexté sıma wayiré nazayi”
Wayiruné hardira va, hemi ki goynayi
“Quncıkhé ca yé ma, ma ré bené ağayi
Sıma ré ma çırayneme mal u gayi”
Cao khe ero cı salıx da çadıri kuyayi
Çadıri khe kuyayi, zerre u çımu ra huyayi
Domani voreku, bizeku dıma rusnayi
Miyé sıpé u suri, bızé şiayi çıraynayi
Çı iyé wayiruné hardi bi, naxır u Gayi
Ostoré qırr u suri, heré gewr u şiayi
Zéde derg mekéri, çı khe bi çıraynayi
Tené khe améy ra ho, xuyi ho vuriyayi
Na xuye vıréne viye, newe né mısayi
Vurnayi, bizeki bi gewr, voreki bi şiayi
Goki mozıki, nali, mangéyi berdi, vurnayi
Mısayi şipé heru tırténe, çı nér, çı mayi
Voreki, kavıri, belendiri, mi, vosni né verdayi
Çerenga ra, kaxzu ra remnayi boğeyi, gayi
Herç khe ho ca kerd, newe çadıri kuyayi
Wayiré hardi biyéne kémi, é boyna zédyayi
Meyiti suti heté ra, raa heqi u mıléni mısayi
Pére u aşir u qomi ra ki fişti duri beg u ağayi
Kalıkuné ma çıra sunuk u senate cévısné
Çıkhe yé dine viyo az u azé ho némusné
Torné Tuji! nıka ki bıwané, bımısé, bınusné
Cıra dina olem péheşiyo, her caro bırusné
Torné Tuji
12.08.2007
