*Eke bınusnéne, wedardéne,qa nıka ki wendéne!*

AX ERÊ LEMINÊ, MA QE NÊ ZONAi

AX ERÊ LEMINÊ, MA QE NÊZONAi

Qa qanuni nay ve ro, nameyi vurnayi
Zé vatena ho ki qeséy péro çarnayi
Cané ho ke se wasténe, névi soynayi
Ge sanai paskulu ver, geçi pernayi

Néwasténe, bıdé peré malé şiayi
Miyé sıpé u suri, qa naxır u gayi
Çımuné dinu de maqa zof zof asayi
Qe toway ré ki qurısé peréi nédayi

Ax eré lemıné ma né, qe nézonayi
Xorti rusnai, véyvıki dıma bervayi
Ma het de lac u çénéyi, wa u bırayi
Qulé heqi ma dormé hode néverdayi

İyé ke ma serva mektevu rusnayi
Şi serva derdé sari qirai, bervayi
Cıra taé şi welatu ra zewecayi
Domani, zoné mara béxever verdayi

Qızé ma endi kewti néjdié howtayi
Kewtey vi, iyé ke nazaura caverdayi
İyé bini nazaura qe néverdayi
Zolımu, ma sero çéveri péro cadayi

Nazau ra ki éndi qe néramiyayi
Ne bostani, ne axpini, ne çi hégayi
Ora dıma péro gort u xozan verdayi
Nun u méywa u zebzeyi ma hérinayi

Dar u biçiné ma, péro béwahir mendi
Merg u biyaré ma, nıkeka bié kendi
Çıqa ke hundaé düeyi horé wendi
Né zolımu ma serro çarnayi na fendi

Kes qori nékeno caé çinıtene, endi
Coka o ke ma sero çarnayi na fendi
Ne bené kom moresınci, ne çi nérebendi
Dar u bero ke rasna ra ki béwahir mendi

Torné Thuji dano saré horo, hem vano
Mordem na bétere se ho serde ano
Riyé dina de qom bé zoné ho bımano
Çévésao ke cor, cavé na qesa se dano

Torné Thuji